DO SHONRAÍ PEARSANTA A CHOSAINT

An oibríocht phróiseála: EU Whoiswho - amharc inmheánach

Rialaitheoir Sonraí: Oifig Foilseachán an Aontais Eorpaigh, aonad A.5, ‘Seirbhísí Tairsí agus Gréasáin’

Tagairt taifid: DPR-EC-00447

1. Réamhrá

Tá an Coimisiún Eorpach (‘an Coimisiún’ anseo feasta) tiomanta do shonraí pearsanta a chosaint agus do phríobháideachas a urramú. Déanann an Coimisiún sonraí pearsanta a bhailiú agus a phróiseáil a thuilleadh de bhun Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le hinstitiúidí, comhlachtaí, oifigí agus gníomhaireachtaí an Aontais sonraí pearsanta a phróiseáil agus maidir le saorghluaiseacht sonraí den sórt sin.

Mínítear sa ráiteas príobháideachais seo an fáth a bpróiseálaimid do shonraí pearsanta, an dóigh a ndéanaimid na sonraí pearsanta ar fad arna dtabhairt a bhailiú, a láimhseáil agus a chosaint, an dóigh a n-úsáidtear iad, agus na cearta atá agat ó thaobh do shonraí pearsanta de. Tugtar ann freisin sonraí teagmhála an Rialaitheora Sonraí atá freagrach agus lenar féidir leat do chearta a fheidhmiú, sonraí teagmhála an Oifigigh Cosanta Sonraí agus sonraí teagmhála an Mhaoirseora Eorpaigh ar Chosaint Sonraí.

Is é EU Whoiswho eolaire oifigiúil fhoireann an Aontais. Tá leagan poiblí ann, agus leagan inmheánach ann atá le húsáid ag foireann an Aontais. Is leis an eolaire inmheánach a bhaineann an ráiteas príobháideachais seo, go sonrach. Anseo thíos tá an t-eolas maidir leis an oibríocht phróiseála ‘EU Whoiswho - Eolaire inmheánach an Aontais Eorpaigh’ rud a dhéanann aonad A.5, ‘Seirbhísí Tairsí agus Gréasáin’ de chuid Oifig Foilseachán an Aontais Eorpaigh.

2. Cén fáth agus cén dóigh a bpróiseálaimid do shonraí pearsanta?

Cuspóir na hoibríochta próiseála: : Is amhlaidh a bhailíonn agus a úsáideann aonad A.5 ‘Seirbhísí Tairsí agus Gréasáin’ de chuid Oifig Foilseachán an Aontais Eorpaigh do shonraí pearsanta lena bhfoilsiú san eolaire inmheánach ‘EU Whoiswho’, rud atá le fáil ag an seoladh https://op.beta.msop.spikeseed.cloud/web/who-is-who.

Is féidir le baill foirne institiúidí, chomhlachtaí, oifigí agus ghníomhaireachtaí an Aontais an eolaire inmheánach ‘EU Whoiswho’ a rochtain nuair a fhíordheimhnítear iad trí EU Login. Taispeántar san eolaire inmheánach sonraí pearsanta leathnaithe na mball foirne uile i seirbhísí an Choimisiúin Eorpaigh, sainchuntas a bpoist agus grianghraf díobh san áireamh.

Is éard atá i gceist leis an oibríocht phróiseála eolas teagmhála agus eagraíochtúil a chur ar fáil do bhaill foirne údaraithe an Aontais chun cumarsáid inmheánach, comhar agus feidhmiú oibríochtúil institiúidí an Aontais a éascú.

Ní úsáidtear do shonraí pearsanta le haghaidh cinnteoireacht uathoibrithe, próifíliú san áireamh.

3. Cé na forais dlí ar a ndéanaimid do shonraí pearsanta a phróiseáil?

Is ar na cúiseanna seo a leanas a dhéanaimid do shonraí pearsanta a phróiseáil:

• is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe do na hinstitiúidí, na comhlachtaí, na hoifigí agus na gníomhaireachtaí de chuid an Aontais;
• is gá an phróiseáil a dhéanamh chun oibleagáid dhlíthiúil a chomhlíonadh a bhfuil an rialaitheoir faoina réir;
• is gá an phróiseáil a dhéanamh chun conradh a chomhlíonadh ar páirtí ann an t-ábhar sonraí (caidreamh fostaíochta foirne le hinstitiúidí, comhlachtaí, oifigí agus gníomhaireachtaí an Aontais).

Bunús dlí: sainordú Oifig Foilseachán an Aontais Eorpaigh, Cinneadh 2009/496/CE, Euratom ó Pharlaimint na hEorpa, ón gComhairle, ón gCoimisiún, ón gCúirt Bhreithiúnais, ón gCúirt Iniúchóirí, ó Choiste Eacnamaíoch agus Sóisialta na hEorpa agus ó Choiste na Réigiún an 26 Meitheamh 2009 maidir le heagrú agus le hoibriú Oifig Foilseachán an Aontais Eorpaigh; agus Airteagal 15 CFAE (oibleagáid trédhearcachta).

Rialaítear an t-eolaire inmheánach le socrú inmheánach Ares(2026)4621554, rud a síníodh i mí na Bealtaine 2026 idir Oifig Foilseachán an Aontais Eorpaigh agus an Ard-Stiúrthóireacht um Acmhainní Daonna agus um Shlándáil. Is leis an socrú inmheánach a rialaítear an dóigh a léirítear eolaire inmheánach gach seirbhíse agus gach foirne, agus is leis a shainítear freagrachtaí na nArd-stiúrthóireachtaí a bhfuil páirt acu mar rialaitheoir agus mar phróiseálaí.

Catagóirí speisialta sonraí pearsanta: Féadfaidh an t-eolaire inmheánach próiseáil a dhéanamh ar shonraí a nochtann ballraíocht i gceardchumann, i gcásanna ina gcuirtear baill foirne an Choimisiúin Eorpaigh ar fáil do cheardchumann agus ina gcuirtear ar taispeáint faoi sin iad.

4. Cé na sonraí pearsanta a bhailímid agus a phróiseálaimid a thuilleadh?

Chun an oibríocht phróiseála sin a dhéanamh, bailíonn aonad A.5 ‘Seirbhísí Tairsí agus Gréasáin’ de chuid Oifig Foilseachán an Aontais Eorpaigh na catagóirí sonraí pearsanta seo a leanas:

sloinne agus céadainm, teidil fhoirmiúla, seoladh ríomhphoist gairmiúil, uimhir ghutháin oifige, teideal feidhme, cur síos ar an bpost agus grianghraf den duine. I gcás gach ábhair sonraí, liostaítear an seoladh oibre cineálach (an foirgneamh), seoladh ríomhphoist cineálach agus uimhir ghutháin lárnach na heagraíochta. Clúdaíonn an t-eolaire inmheánach baill foirne uile sheirbhísí an Choimisiúin Eorpaigh, poist neamhbhainistíochta ina measc sin.

Is faoi rogha na n-institiúidí, na gcomhlachtaí, na n-oifigí agus na ngníomhaireachtaí rannpháirteacha de chuid an Aontais atá sé na sonraí a roghnú lena bpróiseáil. Faighimid do shonraí pearsanta ó d’aonad/do roinn atá i gceannas ar acmhainní daonna, trí aistriú sonraí uathoibrithe nó leath-uathoibrithe (Sysper/COMREF le haghaidh sheirbhísí agus ghníomhaireachtaí feidhmiúcháin an Choimisiúin Eorpaigh).

Tá forléargas iomlán ar chatagóirí sonraí in aghaidh na hinstitiúide le fáil sa cheangaltán ‘Cineálacha sonraí EU Whoiswho’ (DPR-EC-00447).

5. Cá fhad a choinneoimid do shonraí pearsanta?

Coinneoidh aonad A.5 ‘Seirbhísí Tairsí agus Gréasáin’ de chuid Oifig Foilseachán an Aontais Eorpaigh do shonraí pearsanta fad a bhíonn tú i mbun seirbhís ghníomhach laistigh d’institiúidí, comhlachtaí, oifigí nó gníomhaireachtaí an Aontais Eorpaigh. Má athraíonn tú do phost laistigh de sheirbhísí an Aontais, léireofar an méid sin tar éis tamall beag in eolaire inmheánach EU Whoiswho. Má fhágann tú seirbhísí an Aontais, bainfear do shonraí pearsanta den léiriú inmheánach tar éis tamall beag.

Tá feidhm ag na rialacha seo a leanas maidir le coinneáil sonraí: :

• Sonraí gníomhacha: coinnítear iad fad a bhíonn an t-ábhar sonraí i mbun seirbhíse
• Cúltacaí sonraí: coinnítear iad go ceann 2 bhliain ar a mhéad.

6. Cén dóigh a ndéanfaimid do shonraí pearsanta a chosaint agus a choinneáil slán?

Déantar na sonraí pearsanta uile atá i bhformáid leictreonach (ríomhphoist, doiciméid, bunachair sonraí, baisceanna sonraí uaslódáilte, etc.) a stóráil ar fhreastalaithe Oifig Foilseachán an Aontais Eorpaigh. Is é DIGIT a bhainistíonn córais TF Oifig Foilseachán an Aontais Eorpaigh. Déantar na hoibríochtaí próiseála go léir de bhun Cinneadh (AE, Euratom) Uimh. 2017/46 ón gCoimisiún an 10 Eanáir 2017 maidir le slándáil córas cumarsáide agus faisnéise sa Choimisiún Eorpach.

Is féidir le húsáideoirí fíordheimhnithe institiúidí, chomhlachtaí, oifigí agus ghníomhaireachtaí an Aontais rochtain a fháil ar an eolaire inmheánach trí EU Login. Tá bearta teicniúla agus eagraíochtúla i bhfeidhm chun a chinntiú nach féidir ach le húsáideoirí údaraithe rochtain a fháil ar na sonraí leathnaithe a thaispeántar san eolaire inmheánach. Ar na bearta sin tá rialuithe rochtana, criptiú faoi bhealach agus athbhreithnithe rialta slándála.

Tá roinnt bearta teicniúla agus eagraíochtúla curtha i bhfeidhm ag an gCoimisiún chun do shonraí pearsanta a chosaint. Ar na bearta teicniúla sin tá gníomhaíochtaí iomchuí chun aghaidh a thabhairt ar an tslándáil ar líne, ar an mbaol go gcaillfí sonraí, go ndéanfaí sonraí a athrú, nó go bhfaighfí rochtain neamhúdaraithe orthu. Ar na bearta eagraíochtúla, tá cead rochtana ar shonraí a theorannú do dhaoine údaraithe amháin a bhfuil gá dlisteanach acu leo chun críocha na hoibríochta próiseála seo.

7. Cé aige a mbeidh rochtain ar do shonraí pearsanta agus cé dó a nochtfar iad?

Is do na daoine seo a leanas a thugtar rochtain ar na sonraí pearsanta a phróiseáiltear san eolaire inmheánach:

• Baill foirne údaraithe Oifig Foilseachán an Aontais Eorpaigh atá freagrach as an oibríocht phróiseála sin a fheidhmiú, de réir an phrionsabail ‘ar bhonn riachtanais eolais’;
• Foireann údaraithe san Ard-Stiúrthóireacht um Acmhainní Daonna agus um Shlándáil (an tseirbhís atá freagrach as COMREF), le haghaidh sonraí de thionscnamh COMREF/Sysper;
• Baill foirne údaraithe in institiúidí, comhlachtaí, oifigí agus gníomhaireachtaí an Aontais, ar féidir leo féachaint ar an eolaire inmheánach trí fhíordheimhniú EU Login;
• An conraitheoir atá freagrach as ardán ‘EU Whoiswho’ a óstáil agus a chothabháil agus a phróiseálann sonraí thar ceann Oifig Foilseachán an Aontais Eorpaigh faoi chomhaontuithe iomchuí próiseála sonraí.

Tá ceangal ar na baill foirne sin cloí le comhaontuithe reachtúla rúndachta agus, i gcás inar gá, le comhaontuithe breise rúndachta. Na sonraí leathnaithe a thaispeántar san eolaire inmheánach (cur síos ar phost, grianghraif, sonraí faoi bhaill foirne neamhbhainistíochta), ní chuirtear ar fáil iad don phobal i gcoitinne, do Thairseach Sonraí Oscailte an Aontais Eorpaigh, ná d’aon tríú páirtí seachtrach.

Ní aistrítear sonraí an eolaire inmheánaigh chuig tíortha lasmuigh den Aontas ná den LEE, ná chuig eagraíochtaí idirnáisiúnta.

8. Cé na cearta atá agat agus conas is féidir leat iad a fheidhmiú?

Tá cearta sonracha agat mar ‘ábhar sonraí’ faoi Chaibidil III (Airteagail 14-25) de Rialachán (AE) 2018/1725, go háirithe:

• an ceart chun rochtain a fháil ar do shonraí pearsanta;
• an ceart chun do shonraí pearsanta a cheartú;
• an ceart chun do shonraí pearsanta a scriosadh;
• an ceart chun srian a chur le próiseáil do shonraí pearsanta;
• an ceart chun cur i gcoinne na próiseála; agus
• an ceart chun iniomparthachta sonraí, i gcás inarb infheidhme.

Is féidir leat do chearta a fheidhmiú ach teagmháil a dhéanamh leis an Rialaitheoir Sonraí, nó, i gcás easaontais, leis an Oifigeach Cosanta Sonraí. Más gá, is féidir leat dul i dteagmháil leis an Maoirseoir Eorpach ar Chosaint Sonraí freisin. Tá a gcuid sonraí teagmhála le fáil faoi Roinn 9 thíos.

Tabhair do d’aire, i gcás sonraí a thagann ó chóras acmhainní daonna d’institiúide (e.g. Sysper/COMREF i gcás fhoireann an Choimisiúin), ba cheart iarrataí ar cheartú a chur ar aghaidh chuig do roinn acmhainní daonna ar an gcéad dul síos, ós rud é go mbraitheann Oifig Foilseachán an Aontais Eorpaigh ar na sonraí arna gcur ar fáil ag an institiúid fhoinseach.

I gcás inar mian leat do chearta a fheidhmiú i gcomhthéacs oibríochta próiseála ar leith amháin nó níos mó, déan cur síos orthu (i.e. a dtagairt(í) Taifid mar atá sonraithe faoi Roinn 10 thíos) i d’iarraidh.

9. Sonraí teagmhála

• An Rialaitheoir Sonraí

Más mian leat do chearta a fheidhmiú faoi Rialachán (AE) 2018/1725, nó má tá tuairimí, ceisteanna nó ábhair imní agat, nó más mian leat gearán a dhéanamh faoi bhailiú agus úsáid do shonraí pearsanta, is féidir leat teagmháil a dhéanamh leis an Rialaitheoir Sonraí, aonad A.5, ‘Seirbhísí Tairsí agus Gréasáin’ de chuid Oifig Foilseachán an Aontais Eorpaigh ag an seoladh OP-DATA-PROTECTION-COORDINATOR@publications.europa.eu.

• Oifigeach Cosanta Sonraí (OCS) an Choimisiúin

Féadfaidh tú teagmháil a dhéanamh leis an Oifigeach Cosanta Sonraí (EC-DPO-INTERNAL@ec.europa.eu) i ndáil le ceisteanna a bhaineann le próiseáil do shonraí pearsanta faoi Rialachán (AE) 2018/1725.

Is féidir dul i dteagmháil leis an gComhordaitheoir Cosanta Sonraí in Oifig Foilseachán an Aontais Eorpaigh ag an seoladh seo: OP-DATA-PROTECTION-COORDINATOR@publications.europa.eu.

• An Maoirseoir Eorpach ar Chosaint Sonraí (MECS)

Tá sé de cheart agat dul ar iontaoibh an Mhaoirseora Eorpaigh ar Chosaint Sonraí (edps@edps.europa.eu) má mheasann tú gur sáraíodh do chearta faoi Rialachán (AE) 2018/1725 de thoradh na próiseála a rinne an Maoirseoir Eorpach ar Chosaint Sonraí ar do shonraí pearsanta.

10. Cá háit a bhfuil eolas níos mionsonraithe le fáil?

Foilsíonn Oifigeach Cosanta Sonraí (OCS) an Choimisiúin clár na n-oibríochtaí próiseála go léir atá déanta ag an gCoimisiún ar shonraí pearsanta, oibríochtaí atá doiciméadaithe agus curtha in iúl dó. Tá an clár le fáil ag an nasc seo a leanas: http://ec.europa.eu/dpo-register.

Cuireadh an oibríocht phróiseála shonrach sin le clár poiblí an Oifigigh Cosanta Sonraí agus an Tagairt taifid seo a leanas ag gabháil léi: DPR-EC-00447. Tá taifead iomlán na próiseála (DPR-EC-00447.7) le fáil ar chlár inmheánach OCS an Choimisiúin ag an seoladh seo: https://intragate.ec.europa.eu/dpms/record/DPR-EC-00447.7.

Tá an socrú inmheánach lena rialaítear léiriú inmheánach ‘EU Whoiswho’ (Ares(2026)4621554), rud a síníodh idir Oifig Foilseachán an Aontais Eorpaigh agus an Ard-Stiúrthóireacht um Acmhainní Daonna agus um Shlándáil, i gceangal leis an taifead próiseála.